Stille no

Det er stille i Oslo og det er stille på kontoret. Berre lyden av tastaturet og mine eigne hjarteslag står i vegen for fullkomen ro og stille. Idyll. Vel, det blir nok fort einsamt, men det gir god arbeidsro. Senterungdomen har tenkt seg på Totensafari på fredag og laurdag, og da gjeld det å førebu seg best muleg. Totensafari er openbart eit noko uvanleg fenomen, og det er få andre enn Norges Bygdeungdomslag kan koma på å arrangere noko slikt. Vi skal berre henge utanfor og slå av ein prat med dei som er innom. Samt inspisere truga dyreartar.

Elles har vi begynt å tenkje på neste sentralstyremøte, og ikkje minst NCF. Alle som har vore NCF-møte beskriv dette som ein højdare, så det er berre å sende søknad om å få vera med (vel å merke om du er medlem.) Så prøvar vi å vera synlege i det interaktive rom. Sjølv om det sommar og alle eigentleg berre er dovne, brukar folk tid på internett. Alle er herved oppmoda både til å melde seg inn i fan-klubben til Senterungdomen på facebook, og å følgje oss på twitter. Mykje bra der. Vi prates. (Og det er lov å leggje att kommentarar på bloggen her også.)